Llythyr: John Williams, Ty Mawr, Dodgeville, Wisconsin, America at ei fam, Mrs Margaret Williams

LLYTHYR (COPI XEROX): John Williams, Ty Mawr, Dodgeville, Wisconsin, America at ei fam, (Mrs Margaret Williams, Penrhosfeilw, Holyhead) a'i frodyr Edward a Hugh. Derbyniodd eu llythyrau ac mae yn gofidio yn arw dros ei fam sydd yn waelach nac arfer, ac yntau yn analluog i weinyddu yr un cysyr na chymorth iddi, ond mae'n dda ganddo feddwl am Un a fedr gydymdeimlo a'i greaduriaid gwael. Mae Ef yn agos ati bob amser. Mae Jane ac yntau yn iach ac yn eithaf cysurus er gwaethaf y rhyfel gartrefol sydd yn y wlad. Mae masnavh wedi marw llawer o'i hamgylch, y prisiau yn isel iawm am bob cynyrch amaethyddol. Mae llawer o ddynion ieuanc wedi mynd yn wirfoddol i faes y gwaed. Hefyd un llanc, oedd yn gweithio gydag ef, ym maes y frwydr yn y de, ac un arall wedi ei anafu ym mrwydr y 'Bull's Run'. Nid oes arwydd arno symyd oddi yno gan nad ydynt yn gwybod dim am y rhyfel ond drwy'r papurau newydd, ac mi fu arnynt ofn chwaith i'r de eu gorchfygu oherwydd eu bod yn hyderus na wna Duw'r Nefoedd adael i'r fath giwed annuwiol ddinistrio y Llywodraeth ddaionus a sefydlu cae thwasiaeth dros yr holl dalaethau. Yr oedd yn ddrwg ganddo glywed fod Wil Edward wedi bod yn sâl a bod ei fam wedi marw. Mae yn gofyn iddynt ddweud wrth Wil Edward fod Dafydd Lewis, Pregethwr Dissenters yn Ridgeway wedi marw a William Jones yr hen lanc yn Dogeville. Mae yn cofio at John Morris, Glangors Goch a'r teulu , Evan a Mrs Thomas a llu eraill o gyfeillion a pherthynasau. Mae lluwchfeydd eira anghyffredin wedi cau y ffyrdd yno.

Dim cyfyngiadau/ No Restrictions

Os gwelwch yn dda archebwch y dogfenau gan ddefnyddio y rhif cyfeirnod amgen (lle ddarperidd) / Please order documents using the alternative reference number (where provided)

Cyflwr da / Good condition